یئنی ایلینیز اوغور لو اولسون.

فریبا وظیفه آزاد۱۳۵۹-دا سراب شهرینده آنادان اولوب، ایلک و اورتا تحصیلینی بو شهرده آلیب، تحصیلاتینا دوام وئرمک اوچون دانشگاها گیرمک اوزره چالیشماقدادیر.

اون اوچ یاشیندان شعر و ادبیاتلا ماراقلانیب،شعر یازماغا باشلایان فریبا خانیم بویوک شاعیرلریمیزین اثرلرینی اوخوماقلا گوزل شعر لر یازماغا چالیشیر.                                               

بو خانیم شاعیر دن بیر شعر سیزه تقدیم ائدیرم.

عشق شعله سی

عشقی نین شعله لری هر گئجه یاندیری منی

                                            اوقارا گوزلرینین شوقی اوتاندیردی منی

ای گوزللیک کعبه سی،سن قبله گاهیم سان منیم

من گدایی عشقینم،سن پادشاهیم سان منیم

،

فاطیمه خانم کمینه

فاطیمه خانیم کمینه هیجری قمری تاریخینین۱۲۵۷ـ نجی ایلینده(۱۸۴۱م)

شوشا شهرینده آنادان اولموشدور.اوشاقلیق چاغلاریندا هوشلو،ذکاوتلی و

معرفت،کمال صاحیبی اولان کمینه خانیم شوشا شهرینده درس اوخویور

تحصیل آلیر تورک وفارس دیللرینده گوزل شعرلر یازیردی اونون دولغون شعرلری

اولدوقجا یوموشاق و دویغولودور.کمینه چوخ گوزل وگویچک بیر خانیم ایدی

اونون ظاهری گوزل لیینه اویغون خوش طینتی، اصیل و تمیز ذاتی وارایدی،

اخلاق ورفتاری داها آرتیق ایدی.

فاطیمه خانیم کمینه۱۳۱۶نجی(ه.ق)ایل پاییز فصلینین اولینده(میلادی۱۸۹۸

نجی ایلین اولینده)شوشا شهرینده دونیادان گوز اورتدو،اونون اولومو قاراباغ

شاعیرلرینه آغیر آجی و ضایعه ساییلیب،بویوک بیر ماتم اولدو.

چیخاردیب و قالارقی مثل لر و صحبت لر

یادگار قویوب لار

قوجاغیندا،ننه سن

لایلا دئدین منه سن.

منیم مهربان ننه م

عزیز ننه م،جان ننه م !

بویوموشم ، ننه م ، من

قوی توتوم اللریندن

منیم مهربان ننه م

عزیز ننه م ، جان ننه م.

                                                   تیمور ائلچین

مجنون تک آواره

یئنه یارب نه غمگین دیرمنیم بو شاداولان کونلوم

رموز عشقدن آگاه اولوب اوستاد اولان کونلوم

گوروبدوریاری اغیاره اولوبدور محو نظاره

ائدیبدیر سینه سین پاره،منیم آباد اولان کونلوم

نییه پیمانه دن کئچدین،نییه زنجیردن قاچدین

ندن دیر چوللره دوشدون،منیم برباد اولان کونلوم

فراغین روز محشردیر،سراسرمحنت و غمدیر

او زولفون کیمی درهم دیر،منیم آزاد اولان کونلوم

باخین بو ناتوان زاره،گونو بختی کیمی قاره

گزر مجنون تک آواره،منیم ناشاد اولان کونلوم

                                                  خورشید بانو ناتوان

آللاه بویاغی

اسلام اویاتدی خلقی،باشین قاوزایان قاچیر

شیطان باجارمادی که یاتانلار اویانماسـین

هر رنگی آت ، فقط بویان آللاه بویاغینه

هر آلدادان بویاخلارا قلبین بویانماسین

خلقین گوزین اویاردی شاهین میر غضبلری

قوی بیر اویولسون ئوز گوزی تا گوز اویانماسین

تبلیغ او پایه ده گرک اولسون که مدعی

بیر نقطه سینده ضعفینه بارماخ قو یانماسین

الفاضی محکم اتمه لی،معنانی چوخ لطیف

سوزلر گرک سوغاندیسا،هرکس سویانماسین

آما گئجه نمازدا قیلیرسان ، یاواشجا قیل

قوی زحمتیله هوشلانان اولسا،اویانماسین

آغزوندا دادلی سوزلریوی سن ده شهریار

ایله پیشیر که خلق دادیندان دو یانماسین.

                                     سید محمد حسین بهجت(شهریار)

یالقیز غریب!

عزیزیم!دویمادیم سندن،

نه تئز مندن دویوب گئتدین؟

اجل گلجک، بو غربتده،

منی یالقیز قویوب گئتدین!

            سید محمد حسین بهجت(شهریار)

     ناز اولا

یوزلرجه خالق ایچینده اگر اهلئ ـ ناز اولا،

مومکون دئییل کی،سن کیمی بیر سرو ناز اولا.

بولبول گولون سئویر ،سنی من،طوطی شکری،

عشق اهلی بیر شئیه گره ک ، البته باز اولا،

اصلی گوزللییین ایکی شئی دیر نیشانه سی:

زلفو قارا ، ســـــینه سی ـ صاف و بیاز اولا.

عاشیق گره ک دوشوب قدمئ ـ یاره یالوارا،

عاشیقلـر ایچره بـلکه او بـیر سر فراز اولا.

بـولـبول همیشه اوز گولونـه آرزو چـکه ر،

وای اونـــــدا ،خـاردن بونادا اعــتراض اولا.

یار اینجیییب کوسنده اونون باشقا ذوقووار.

هردن بیر اورتــالیق دا گـره ک ارکیناز اولا!

دونیایا گلمه ییب ائــله بیر نـازنین گوزل،

درد اهــــلینه تســـلی وئره،دلنـواز اولا.

سلطانئ ـ عالم اولسادا واحید زمانه ده،

اول گـــره ک اسیرئ ـ کمالئ ـ ایاز اولا.

                                          علی آقا واحید